 放大圖片
■在《4 in Love》戲份重，讓翠翠第一次感到有存在價值。
過往翠翠拍劇唔多，而且多是綠葉角色，直至去年底在劇集《我的如意狼君》出演陳山聰的老婆傅百慧，在最後一集喊到收唔到聲而令觀眾難忘。而在《4 in Love》與韋家雄飾演情侶，也令觀眾眼前一亮。
在前任港姐冠軍徐子珊及後任陳茵媺都在事業上突飛猛進時，無疑葉翠翠拍劇的經驗尚淺，只可在2、3線遊走，要上一線似乎要畀心機。「你又知我唔努力游上一線？我有努力㗎，但我更相信做好自己會有人睇到。講個秘密你知，本來我在《我的如意狼君》戲份唔多，係導演、監製後來加上去。當初知道要拍呢套劇，又剛好見到監製添哥(李添勝)，好開心咁走埋去問佢角色係點，可能當時還是找我客串，添哥見我問，仲好尷尬咁行開。後來戲份愈來愈多，特別是最後一場喊戲，我知道是導演陳湘娟加畀我的，真係好多謝導演的信任。《4 in Love》中擔演較吃重的角色，因為從未試過有監製畀咁重的戲份畀我，我知道當初也有人怕我演不來，叫阿戚唔好用我，好感謝監製戚其義賞識，今次是我第一次感覺到有存在價值！我唔介意大家話我是2、3線藝人，因為呢一刻我真係在這位置，但我也希望有一日，憑自己努力游上去一線。」
|
放大圖片
