 放大圖片
■得到各方友好的支持，敏之自言會更努力拍多些好戲。
今年33歲的陳敏之，去年憑劇集《怒火街頭》何利貞（貞貞）一角，以大熱姿態勇奪最佳女配角，一洗往年的衰運，更成為「索腿天后」，事業闖向高峰。今年，敏之首次擔任女主角，在新劇演夏迎春和陳法拉飾演的鍾無艷大鬥法。感情上，她大方公開拍拖7年的男友。在敏之心中，原來幸運之神一直沒有離棄她，而是一直眷顧著她。
陳敏之自言今次拍《東西宮略》可謂有驚喜，也有淚水。今次是敏之第一次做女主角，但卻沒有飄飄然，相反正增加了自己的壓力。「第一次做女主角，壓力好大。當時身體唔好，但都開始復工拍劇，點知自己拍咗冇耐，又開始有少少唔舒服，幾驚之前個病會復發。好彩拍了2個月後，身體沒事好返晒。諗返落嚟，原來自己都好捱得，因為今次個角色戲份很重，對白又長，自己都怕處理得唔好。幸好有大王(郭晉安)在，佢好似阿頭咁好識睇住成組人。我發現做主角一點也不易，既要做好自己本份，又要識在現場搞氣氛，還要顧及好多嘢，少點精力都不行。」
嬌滴滴角色更考演技
劇集播出以來有不錯的收視，最高達30點，即有192萬觀眾收看，對敏之來說算是打下一支強心針。她很多謝劇中拍檔陳法拉及郭晉安的循循善誘。「我是一個很悶蛋的人，今次呢個劇是喜劇，好多時導演畀咗劇本我們，安仔、我同法拉會坐埋一齊度場口，睇吓點樣拍出來更好睇。與其說3個人度，不如話我是旁聽為主。特別是法拉，好多鬼主意，有喜劇的編劇天份似導演，佢好知道自己的位置。之前我知道自己做夏迎春，因為我份人比較男仔頭，都有諗過會否做鍾無艷比較好。現在睇番，夏迎春同自己真正的性格好相反，要扮嬌滴滴，咁更考自己演技，反而更有火花。我也很多謝我前經理人，因為拍公司這劇之外，同時間也有一套內地劇找我。前經理人同我分析，要點去取捨，佢建議我先企穩香港市場。」
開腔澄清法拉為人
外間相傳，陳法拉在拍劇時扮一姐教陳敏之做戲，而與其傳出不和。但據知敏之和法拉識於微時，閒時私下會相約食飯。「我和法拉應該是05年相識，那時她剛選完華姐來港發展，在同一個經理人旗下。那時的經理人叫我多照顧法拉，我們的友情緣自那時。我好錫佢，那時會送一些衣服畀法拉，現在法拉見到我也會回贈小禮物畀我。法拉煮嘢食好叻，之前還親自下廚煮西餐給我品嚐。之前法拉生日，我和伍姑娘(伍詠薇)一同慶祝佢生日。法拉份人好爽、好男仔頭，好我行我素，唔會講別人是非。佢一出道，我已經覺得佢可以在呢行有好好的發展，現在也證明當日我的眼光沒錯。唔識佢的人會覺得佢好寸，但了解了、認識了，你會發現佢好直，但佢話放棄了，因為佢同傳媒解釋完，都是誤解佢。」
|
放大圖片
