 放大圖片
採訪：植毅儀 攝影：莫雪芝 服裝：Koyo Jeans 場地：Beira Rio
以郭晉安在內地的知名度，大可以像現在的小生、花旦般常駐內地搵金銀，又或是專注其健康產品事業，但是安仔卻安於現況，每年只拍一至兩套TVB劇及一套內地劇，其餘的時間都用來陪太太歐倩怡（Cindy）和兩個孩子。
訪問當日送上2本兒童書，郭晉安愛不釋手地不停翻閱。安仔表示只要在香港，每晚都會和一對子女講故事。08年長子郭令山出世，去年再添了女兒以雅，剛好湊成一個「好」字，一家四口樂也融融。從4歲的令山身上，郭晉安有了人生新看法。「我在一個好傳統的屋企下成長，阿爸要出去搵食，大哥照顧我們，基本上他對我們好嚴。現在我管教兒子，唔會order佢去做嘢，現在的家長label咗朋友好多嘢，但其實小朋友是一張白紙，唔可以比太多規限佢，等佢自己發揮。我試過每晚睡前同兒子講『你明日起床要自己穿校服、刷牙、洗面、飲水，然後同人講早晨』，同一番話說了50多次後，有一日兒子自己主動換校服，仲話『爸爸叫我自己換校服』，那一刻我開心到攬住佢話：『阿仔，我真係好愛你！』雖然要重複50 次他才記住，但這也訓練了我的耐性。人人都希望自己的小朋友點、點、點，我唔想小朋友要有咩成就。」
盼老來與太太環遊世界
看到安仔一個慈父樣，很難想像當初他和太太倩怡結婚初期，曾經歷了兩次小產。安仔跟歐倩怡結緣於1999年往韓國濟州拍旅遊特輯，走過7年之癢，於06年於迪士尼舉行婚禮，倩怡做安仔背後的女人專心照顧家庭。夫妻倆一直都好喜歡小朋友，這兩次小產經歷讓兩人好傷心，但也因為宗教令兩人再從重新站起來。「我和Cindy都有宗教信仰，我們相信那是神的意思，而且勉強生下來可能有缺陷。人是奇妙的動物，發生完第一次，和同老婆講一起祈禱，點知第二次又係咁。咁我們嘗試找出原因，中西醫口徑好一致，就是Cindy太瘦，沒有好好善待自己的身體。那只好裝備自己，所以Cindy增肥10磅，做瑜伽。後來Cindy第三次有BB，在第二個月左右佢又有肚痛，我們決定好好祈禱，一切交畀神。幸運地，第四個月去照超聲波，見到BB初形好開心。現在有一囝一囡已經好感恩，而且兩個小朋友已經足夠，我同太太責任感好重，會看守著一對小朋友。我們也希望十幾年後，囝囡大了，可以和太太一起環遊世界。」
想演冧死女角色
02年，郭晉安憑黃偉聲監製的《戇夫成龍》「阿旺」一角為人熟識，同一個角色令安仔2次成為「視帝」。今次再和監製黃偉聲合作《東西宮略》，每晚看著安仔飾演的齊宣王擠眉弄眼地周旋在「鍾無艷」及「夏迎春」之間，的確好笑。坦白講，除了郭晉安外，真想不到新一代小生中，有誰可以把角色發揮自如。貴為2界視帝，安仔大可像現在的小生長駐內地拍劇，又或是以高價過檔新電視台。「我20多歲入行，曾經試過日日如戴著面具返工，人前人後2個樣。後來有了經歷，找回最純真的郭晉安。現在人人都上內地工作，其實香港是一個好的宣傳網，TVB係一張好靚的花紙，將我們包到好靚再推出去市場，吸引投資者來投資。以前缺人時，只要話呢個劇有郭晉安拍，老闆只睇頭兩集，已經可以付款畀錢開劇，拍到一半又可以收播映費。現在的老闆好醒，會描集數來看，如果我是二、三線，在橫店長拍長有好搶手。但我是主角，靠自己個名去賣埠，當他們用緊我的credit去賺錢，我用緊TVB的credit來增值，所以都是精簡些，一年一個內地劇，保住TVB這個自己的後盾。至於王生(王維基)年頭也有找我，多謝佢找我，但自己要睇到未來。至於是否再拿視帝，得到市民認同好緊要。咁多年來，我反而好想做一些好浪漫、冧死女的角色，浪漫到落雪�蝶堙A不過成本貴，沒機會。」
|
放大圖片
