|
香港文匯報訊（記者 鄭治祖）民研計劃網絡一度癱瘓，令各界出現不少陰謀論。多名熟悉網絡操作的市民在網上討論區留言，指癱瘓相信是系統設計差所致。
有熟悉網絡運作的市民在網上討論區認為，網站癱瘓是由於容量不足，與所謂「黑客」無關。網民「mrucbill」說，「鍾庭耀自己都話，響（前日上午）7點幾正常流量嘅時候，個網已經出現問題，證明個系統本身就好有問題」。「DENON」亦指，「APPLE（蘋果）網上訂購個時，咪又係CHER死咗機！喺咁短時間有咁高流量，SERVER（伺服器）差梗係負荷唔到喇！一啲都唔專業」。
「mayinhk2008」則引述鍾庭耀前日上午在接受香港電台訪問時說，有關系統「每秒可容納20個log in」，「聽得出（節目主持人）梁家永都覺得唔夠……自己（鍾庭耀）都知自己系統垃圾」。
「catchdot」亦指，「每秒20個log in，1個鐘60分鐘，1分鐘60秒，就係只要1個鐘內有20×60×60=7萬2嘅人log in入，就overload了；香港有700萬人，只要有1%嘅人喺1個鐘內log in，就（癱瘓）……」
「Kan71」就解釋，「基本上只要同一時間（一秒內）有多過廿個人log in就已經瓜得。今時今日，又網上又apps，一秒鐘會有幾多人login入去，差不多是死梗咁滯」。
有參與投票的市民亦大罵民研計劃的投票系統「廢」。網民「extrahi」貼文批評，自己由前晚開始已嘗試登入投票網站，但直至昨日始成功登入，「填完身份證號碼再加埋個電話畀佢同個所謂麻×煩驗證碼，一遞交就限我三分鐘寄番個SMS畀佢，仲要係收錢，嘿，都算啦，我嗱嗱聲開返部智能電話想send嘅時候又過咗時！唯有重新嚟過啦，點×知攪咗三四個字都再登入唔得啦」。
「extrahi」並狠批道：「仲話俾人hack，其實唔使俾人hack，佢個server已經負荷唔到啲應有session，如果唔係點解成二十四小時都搞佢唔掂！最終我都好懷疑個結果可信性！」
「zplusr」對此感有同感，「我今朝都想登入投票，都試咗四五十次，唔通我係其中一個黑客？Connect唔到部電腦都會自動refresh唔知幾多百次先至真係show話出嚟話connect唔到啦」。
莫乃光指短訊認證複雜
網民「想要什麼」亦引述傳媒報道，指反對派的資訊科技界選委莫乃光表示，民研計劃的系統設計，因要收取電話短訊確認選民身份，本身較為複雜，故拖慢了網絡速度。
|
