 放大圖片
香港文匯報訊 (記者 梁靜儀) 曾揚言不入紅館誓不為人的蔡楓華(Ken)（見上圖右），終於達成心願，下月7日假紅館舉行一場《蔡楓華情陷紅館演唱會2012》，昨日他聯同個唱嘉賓之一的林志美一起綵排。昨日二人合唱了一首《愛的火花》，抱病綵排的志美聲線沙啞，阿Ken見狀即細心地為她送上暖水潤喉。志美表示已病了幾星期，之前睇完黃凱芹的演唱會後更失聲。問到阿Ken可擔心？他表示每個人都擔心，也想她快些好。志美笑道 : 「我都唔想阿Ken擔心，因為他第一次在紅館開個唱，呢個係他的夢想，不想他有太大壓力，好好enjoy個show就得了。」志美透露除與阿Ken合唱這首歌外，亦會獨唱兩首歌。至於歌衫方面，阿Ken表示準備了6套歌衫，當中沒有「曬肌」衫，他笑言是走斯文路線。問到志美可會襯返阿Ken？她笑道：「佢係主角，我是綠葉。」阿Ken即說：「唔好咁講啦，下次到你開嘛，其實我86年在伊館開show都係佢做嘉賓。」
用六個月準備個唱
能夠得償所願在紅館舉行個唱，阿Ken亦不容有失，表示用了6個月準備，並保證唱歌比上次在九展有進步。他笑謂唯一保證不到是到時會不會唱到失聲，上到台就唱到盡。他又呼籲當晚去捧場的歌迷帶定毛巾抹眼淚，因怕自己控制不到會喊。志美指阿Ken的歌迷很似他，同樣直腸直肚。阿Ken就指直腸直肚有個好處，就是無機心。談到養聲方法，他表示會吃枇杷膏。問到媽咪可有煲湯給他養聲？他坦言：「無。(助手女友可有煲？)如果行埋身邊就係女友，我都想呀，做我蔡楓華女友會好辛苦，我就預了無所謂。」問到之前影到的女友，是否因被人影而散了？阿Ken表示無關係。再追問到他現時可有女友？他笑說：「如果有人鍾意我就得，(有很多歌迷鍾意你？)歌迷鍾意熒幕上的我，同平時的我又唔同，見到我個人咁普通就唔好了，咁多年來我好明白。」
|
放大圖片
