 放大圖片
■羅仲謙的胸肌一向有睇頭，但今次也被Rainbow比下去。
香港文匯報訊（記者 梁靜儀）羅仲謙昨日聯同o靚模胡心諾(Rainbow)及健美小姐鄭麗莎昨日出席SINOMAX 枕住撐你-枕頭大戰日》，谷胸上陣大騷三吋「事業線」的Rainbow更搶盡「大胸謙」鋒頭。
昨日現場不乏小朋友，低胸上陣的Rainbow卻認為無問題，她說：「服裝是大會安排，我覺得無乜問題，平日做瑜伽都可能會咁著，(可擔心被人從高處望感尷尬？)都好安全、好貼身，OK的，都唔尷尬。」自稱近日因準備拍寫真而吃少了，及以豆奶當水飲的Rainbow，上圍不縮反大。Rainbow透露五月將會拍寫真，她希望可以去三亞或大馬取景，同時又透露寫真中會有女僕造型。
擇偶不重身材
羅仲謙昨日穿上大會的T恤，打扮「密實」，他表示因氣管炎未痊癒，怕冷病。說到他一身打扮輸晒？他笑道：「好男不與女鬥，今日賣枕頭，你估賣身材？(你都有胸肌？)無晒了，要加返少少時間練返好，當然唔似枕頭咁軟。」問到可有人讚過他的胸肌舒服？謙仔自讚說：「都OK舒服㗎，但無人讚過，不過自己付出咁多努力操練個body，應該唔太差。」問到緋聞女友又可有讚他？謙仔反問：「點會提起佢㗎？(女對手呢？)多數都係男人篤我個胸。」不過對於楊怡之前曾讚他的body，他直言都開心的。對於Rainbow谷胸上陣，謙仔笑言甚麼都看不見。問到他揀女友喜歡平胸還是大胸？他表示身材不是擇偶的要求，鍾意一個人，對方的所有都是好。謙仔舊愛傅穎之前接受訪問時，被問到謙仔時即嚇到跌咪，事有湊巧，謙仔昨日談到舊愛時亦同樣不慎跌咪。
|
放大圖片
