 放大圖片
香港文匯報訊（記者 植植）馬浚偉（馬仔）（見圖）將於月中飛橫店拍攝一套民初新劇，對於首次拍民初劇，馬仔坦言興奮期待，原因之一是劇組找來金像服裝造型設計師吳寶玲（BoBo），為馬仔設計造型。性格向來做事認真的馬仔，正好跟凡事追求十全十美的BoBo不謀而合，而為了使戲服達致理想效果，早前馬仔帶病前往服裝工場，予BoBo度身。其間BoBo與兩位師傅不停細語研究，量度得細緻非常，就連頭圍也要仔細無遺。馬仔解釋道：「呢套劇我會分飾兩個角色，BoBo姐想有唔同造型，加上我而家頭髮咁短，戴帽好過戴假髮。」問到二人是否一見如故？馬仔：「其實我一向好欣賞BoBo姐的設計，佢無論古裝時裝民初都咁正，做衫功夫又好得，選布料又要求好高，好似今次套劇咁，佢就為我設計咗超過10套西裝衫，所以好期待。」
問到首次拍民初劇，加上同一時間演繹又忠又奸，精神壓力頗大，有什麼準備，馬仔：「在同一套劇演最奸同最好的角色又係自己，這些劇本好難遇到，所以作為演員遇到呢類角色，真係可遇不可求，所以一早就提早做定功課刨定劇本，不停係咁催導演俾劇本我。至於詳情就要等投資公司開記者會公佈，總之無論劇本同價錢都令我非常滿意，有呢個開始好開心，相信會係我演技上又一個大轉變。」
|
放大圖片
