|
香港文匯報訊 (記者 周穎) 未有大型新盤應市，加上適逢母親節，令睇樓氣氛略為減弱。中原地產十大屋苑本周六、日錄得935組預約睇樓，比上周輕微回落5.1%。
中原十大屋苑預約跌5%
港島區方面，太古城業主見市場承盤能力轉弱，叫價態度終於放軟，致近日成交有所回升。本周末錄睇樓量90組，每呎叫價維持10,800元。康怡花園睇樓客由上周末100組減至80組，減幅約2成，每呎叫價則微升1.2%至8,500元。
九龍區方面，新都城本周六、日睇樓量持平，錄50組睇樓客，每呎叫價亦徘徊於6,250元水平。屋苑盤源進一步下降至330個，令交投量明顯減慢。母親節期間，美孚新邨睇樓量持平，錄170組睇樓客。
沙田第一城睇樓量本周仍維持約60組水平，由於盤源下降，現跌至約410個放盤，業主更為心雄，將叫價提升，現時屋苑平均叫價已達6,400元水平。嘉湖山莊的睇樓氣氛減弱，睇樓量錄140組，按周下跌6.7%。現時屋苑放盤量約有780個，每平方呎叫價約3,650元，與上周相若。
|
