 放大圖片
■徐淑敏自言見到家中兩個小寶貝，即煩惱盡消。
——女星當媽後 感同身受齊頌母愛偉大
母親節，頌親恩！今年不少女藝人榮升媽咪或再任媽咪，所以今年的母親節對她們來說別具意義。我們找來天后陳慧琳(Kelly)、「甜姐兒」徐淑敏(Suki)，「港姐媽媽」陳倩揚及陳自瑤(YoYo)分享母親節感受。 ■採訪：植毅儀 攝影：彭子文(徐淑敏) 場地：W酒店(徐淑敏)
09年與飲食才俊黃浩(Kenny)結婚的徐淑敏(Suki)，在2010年3月誕下長女黃心瑤(Vianna)，次年9月誕下次女黃心柔(Renee)，現在有女萬事足的Suki，笑言見到兩個小寶貝，什麼煩惱也立即消失。說起兩個小寶貝健康成長，Suki已露出甜笑，她說：「大女Vianna性格樂天，經常哈哈大笑。細女Renee則較文靜。記得陀第一胎時自己咩都唔識，事事都很緊張，大女出世後，咩事都打電話畀兒科醫生。但有了第一胎的經驗，生第2胎時，我們夫妻倆都輕鬆了很多。」
每位家長都很關心自己的子女，特別是現代人生BB多數是一個起兩個止，有時過分的緊張在所難免，繼而令新生代家長變成「怪獸家長」。問到Suki是否屬於「怪獸家長」時，Suki斬釘截鐵地說：「我一定唔係。我知好多家長朋友，好多嘢都唔畀小朋友去做，要工人服侍，我則剛好相反，我成日『點』Vianna幫我做嘢。有次家中的工人姐姐畀奶佢飲，佢飲完奶伸手將奶樽畀工人，我見到立即話唔好，叫佢自己將奶樽拎入廚房，等佢唔好習慣畀人服侍。幸好大女真的好聽話，又肯落手落腳去做嘢，唔會好似一個大爺咁，所以唔怕佢有『公主病』」。
被請「食檸檬」 Suki受教訓
問到兩位小公主可有做過一些窩心事或激心事時，Suki表示曾被大女請「食檸檬」，她說：「陀住細女時，唔係太方便抱大女，我們在家已經成日見面。有日我想攬下大女，佢竟然推開我，然後講『我唔要媽咪！』我當時聽到後好upset。我發現對住小朋友真係唔可以講大話，你答應咗坁漕④@定要做，如果你次次都騙佢，久而久之佢會對你失去信任。」
做了兩女之母後，Suki和媽咪的關係更加親密，問到Suki和媽咪之間可有難忘事時，SUKI回憶道：「我記得在一個下雨的晚上，我和姐姐唔知點解被反鎖在房中，外面又行雷閃電，我同家姐都好驚。在房中嚎啕大哭，媽咪在房外又開唔到門，最後竟然從她的房間，徒手爬窗去我們房救我們。現在想起媽咪當時這個舉動好偉大，因為我們住10樓，媽咪掉下去隨時冇命，這就是母愛的偉大」。
倩揚堅持每早親為愛子煮食
去年6月替丈夫陳浩然誕下7磅3安士兒子陳羲廷(Auryn)的前港姐陳倩揚(Skye)，雖然初為人母，但事事親力親為地照顧囝囝。Auryn轉眼間已經11個月大，開始牙牙學語，而首次聽到囝囝叫媽媽時很感動。陳倩揚說：「早於2月初，已經聽到阿囝可以叫『mo、mo』，初時以為佢有需求想引我們注意，但一個月後就好清楚聽到佢叫『媽媽、媽媽』，聽到佢叫我感動到喊出來！」
雖然平時工作繁忙，但倩揚一有時間就會陪愛兒，也希望見證他生長的每個階段。為令愛兒有更好的營養，倩揚更堅持每早為兒子準備食物，絕對不會假手於人。「我寧願早少少起床，自己去街市看看有什麼新鮮的食材。有時煮下三文魚粥，有時煮下雞，希望佢每日都食到唔同的菜。佢真係好乖好識哄人，每早佢睡醒後，唔會搞醒我們，只會自己玩，娛樂一番，但見到我醒咗，就會主動用個嘴仔錫下你，真係畀佢冧暈。」當初陳倩揚生Auryn時，經歷了40小時的陣痛，現在看到囝囝每天長大，當日的痛早已拋到九霄雲外。
倩揚出書分享湊B心得
可能因為BB遺傳了爸爸愛思考的性格，現在的Auryn每遇到新的事物，總愛研究一番。「阿囝好喜歡諗嘢，像他去Playgroup，別的小朋友可能是媽媽在旁捉住手仔教。但我兒子好有性格，唔鍾意你捉佢手教，佢只喜歡睇你做，然後在旁慢慢學。而且佢好喜歡研究，像我們買了一個新水樽畀佢，都沒教佢點用，佢轉個頭佢自己已經懂拿著水樽飲水。」
就算怎樣疼錫愛子都好，陳倩揚堅持不會縱容囝囝，不做怪獸媽咪。她說：「有時見到佢扭計喊，都會好狠心專登唔抱佢，等佢乖乖先至抱番佢玩，慢慢等佢知道扭計媽咪係唔會錫。而且培養佢好的品格一定要由細做起，我同老公都會做好身教，多同佢溝通，大家關係好，佢都冇咁容易學壞。」
今天母親節，因為倩揚有工作在身，所以一早已經預祝了節日。「前兩日和外婆，媽咪一起食飯，我們第一次四代同堂，好開心。之後那天奶奶一家就來我們家開大食會，過了個愉快的母親節。今年7月書展我會出書，希望把從懷孕到湊B的心得同大家分享」。
|
放大圖片
