 放大圖片
■劉俐（藍莓）近日飽受賣淫報道困擾。
香港文匯報訊（記者 梁靜儀）無綫新劇《情越海岸線》播映以來收視不俗，前晚播出的一集，最高收視更有30點(約193萬人次收看) ，昨日劇中主要演員拉大隊到西貢食海鮮慶祝。而早前被雜誌指到澳門賣淫的劉俐(藍莓)昨日出席活動時精神奕奕，並否認早前服藥自殺的報道。
昨日出席的演員包括黃浩然、李詩韻、岳華、謝雪心、劉俐、朱璇、李綺雯(o靚妹)、姚子羚及樂瞳，由於天氣炎熱、眾女不是穿吊帶低胸衫就是短褲騷長腿，十分養眼。眾人又分組玩估海鮮遊戲，其中穿上跌膊衫的李詩韻，俯身捉龍蝦時更幾乎走光，而在劇中三點式上陣的o靚妹，昨日繼續行性感，以低胸吊帶衫上陣，可惜身材沒有睇頭。
劉俐早前被雜誌指到澳門賣淫，之後又被發現入院，更指她服藥自殺。病癒的她昨日出席活動時，不單精神奕奕，食午飯時更十分好胃口。劉俐解釋當晚入院是因為經期氣虛乏力，加上腸胃炎痛楚難當，朋友便迫她去睇醫生。有報道指她服藥自殺？她否認道：「我無食安眠藥，係食咗止痛藥，原本食兩粒，之後再食多一粒，因為想止痛，但都唔得，所以最後要入院。」
談到早前被指賣淫，劉俐指報道太負面，她不想家人擔心，加上家姐又快將臨盆。問到家人是否信任她？她謂家人當然信任及支持她。再問她可會作出追究？她說：「陣間會搵個律師朋友，我唔排除保留追究權利，但都想息事寧人，因為報道太負面，娛樂完大家笑完就算。」
詩韻不信嘉兒緋聞
李詩韻近日再被周刊指為釣金龜突變「旺夫鼻」，有備而來的詩韻主動回應傳聞，她帶笑說：「多謝咁畀面畀個封面仔我，又話我靚咗，多謝佢，屋企個個人個鼻都好高，我細個打籃球食過波餅所以鼻樑有小小節。」對於被暗指整容，她笑言代表套劇成功。問到她可有整過其他部位？她肯定的回答：「無，我唔抗拒整容，當然我唔係好靚，但呢刻唔係好需要，雖然有少少缺憾，但係唔會有完美，如果整錯咗就一世，做藝人經唔起呢個風險。」
對於被跟蹤偷拍，詩韻自言知道被跟蹤了幾日，但她都是跟張嘉兒去做gym。說到她與張嘉兒都有共同的男友「鄧健泓」時，詩韻即幫好友澄清：「我諗佢哋唔係嘅，一定唔係。」
岳華避談亦舒家事
另外，被問到有關舊愛、著名作家亦舒與前夫蔡浩泉所生、現年44歲的兒子蔡邊村近日通過紀錄片《母親節》尋母一事，岳華坦承與亦舒拍過拖，但不知對方的家事，他說：「我同亦舒70年拍過拖，但我哋一齊好短時間，我知她有個仔，但無見過。」問到二人可有聯絡？華哥表示早年曾在加拿大的商場見過，但已近40年冇見。說到亦舒33年來不認親生仔，問到可覺得亦舒絕情？華哥只說：「呢件事真係no comment，因為唔識佢個仔唔知佢嘅事，家事畀返佢哋自己處理。」
|
放大圖片
