 放大圖片
■周潤發相隔30年再拍攝港產片《賭城風雲》，昨日發哥與有份演出的謝霆鋒一起出席。
香港文匯報訊(記者 梁靜儀)周潤發相隔30年再拍攝港產片《賭城風雲》（暫名）。昨日該片於將軍澳電視城舉行開鏡拜神儀式，發哥與有份演出的謝霆鋒一起出席，一向風趣幽默的他在台上更大放笑彈，笑言看住霆鋒結咗婚及生埋仔，霆鋒就笑說：「仲離埋(婚)口忝。」發哥即不好意思說：「係咩？我真係唔知，對唔住，離得仲快過我。」
由王晶執導、劉偉強監製的2014年賀歲片《賭城風雲》昨日於無綫電視城舉行開鏡拜神儀式，出席演員有周潤發、謝霆鋒、杜汶澤、張晉、許紹雄、伍允龍、沈震軒及幾位內地女星孟瑤、童菲、景甜及程妮，而無綫高層樂易玲、太陽娛樂黃柏高、博納影業集團總裁于冬等亦有出席。是次能邀得國際巨星發哥拍賀歲片，無綫方面亦高度重視，除了安排了多名保安保護發哥，為免有閒雜人等埋發哥身，就連駐台記者亦要登記才能入內採訪，不過向來毫無架子的發哥，在台上不單幫手搬枱方便傳媒拍照，之後又隨意坐在樓梯級接受傳媒訪問，態度友善。
唔知霆鋒已離婚
相隔30年再拍港產片的發哥，昨日戴上墨鏡現身電視城，即時引起咁哄動。向來風趣的他在台上又大放笑彈，他笑指自己這麼瘦，是因為見到霆鋒，於是就跟對方一樣不吃東西。他又指《賭城風雲》不是一部賭片或警匪片，而是一部動作搞笑片，發哥說：「阿澤負責搞笑、霆鋒就負責動作，我就跟霆鋒學習，輕鬆的我做晒。」發哥表示八幾年拍過賀歲片《八星報喜》後，已再沒拍賀歲片，而《賭》片明年上映時，剛好三十年。發哥見到霆鋒又說：「霆鋒已咁大個仔，結咗婚仲生埋仔女。」旁邊的霆鋒即笑說：「仲離埋(婚)口忝。」發哥即不好意思說：「係咩？我真係唔知，對唔住，離得仲快過我。」霆鋒表示自小便看發哥的戲，有機會跟他合作感到很榮幸，好開心，是我的夢想，因為不是每個演員都有此機會。
晶哥爆TVB花旦沒檔期
發哥透露戲中跟許紹雄飾演好兄弟，許將兒子霆鋒交托他照顧，但他不是教霆鋒賭，而是教他媾女。」他又笑指戲中霆鋒有很多女埋身，自己雖然都多，但全都超過60歲，九十後就歸他們。問到在新戲中的角色，可會有當年《賭神》的影子？發哥說：「今次絕對無賭神的影子，故事係全新，有好多搞笑，有龍哥、晉哥加埋霆鋒打到天昏地暗，我就負責玩啤牌、打麻雀。」問到有甚麼原因吸引他再拍港產片？發哥笑指除了班底夠勁、美女如雲外，還有他的偶像霆鋒，發哥笑說：「如果我唔拍就對唔住佢伯爺，我同佢老爹、媽咪以前在TVB合作過，佢老爹好照顧我，我是來報恩，看看我在片場點烚佢。」再問到今次他是否以天價接拍？發哥即叫大家問回周太好了。影片導演王晶透露《賭》片的製作費跟《大上海》差不多，問到發哥是否收取天價接拍，及可有提出特別條件？晶哥表示是收取荷里活價錢，簽的亦是荷里活合約，發哥在荷里活有甚麼待遇他們就給甚麼待遇，但發哥發嫂都很好，知道他們盡了力做好就滿意，當然有些事會堅持。問到為何今次的女主角全是內地女星？他坦言曾考慮過無綫的花旦，但都沒有檔期。
支持多發一個電視牌
切過燒豬及祝酒後，霆鋒未有留下影相及做訪問即時離場，反而發哥就叫埋後輩阿澤、沈震軒及伍允龍合照，之後再接受傳訪問。向來有追開劇集的發哥，被問到可有留意近日熱播的《衝上雲霄II》？發哥大讚該劇有靚仔靚女靚景好睇。問到他可有興趣拍《衝上雲霄III》飾演機師？他笑說：「我梗係做captain(部長），但在機艙入面，TABLE FOR TWO？」再問到他真的會拍嗎？他即表示怕自己捱不住。記者笑指若他演機師，定嬴過吳鎮宇及張智霖？發哥即說：「唔好咁講，兩個都係我偶像，兩個都好型，有味道，(新一輩的吳卓羲及馬國明呢？)馬明曳些，因為佢太多女朋友，懇丁一個、香港又一個，(但你可會拍床上戲？)我無所謂，要問周太。」至於劇中兩位女主角胡杏兒及陳法拉，發哥坦言沒有看過上集，但說：「杏兒係咪要咁硬對佢大佬，殺死人咁，不過個個都做得好好。」堪稱電視迷的發哥，就連《師父，明白了》也有追看，更大讚「翠如BB」演得好。至於深夜重播的《溏心風暴》，發哥笑言之前已睇過了。首次踏足電視城，發哥笑言有如自己主場，見到很多朋友。再問他有關王維基爭取發牌一事，發哥反問：「未出到咩？上一任政府有無支持佢出牌？好似上一任政府係應承了，今屆政府無出牌畀佢咩？遲些啦，一定會批到。（可支持多一個免費電視台？）多個電視台好，多搵嘢睇好搵。」
杜汶澤自爆過往幾年都替黃百鳴拍賀歲片都是收友情價，這次倒戈幫晶哥拍戲，片酬高出近一倍，所以他很多謝晶哥。他笑道: 「我拍本地製作會收合拍片的一半片酬，所以一年都要拍兩部這些合拍片幫補下。」阿澤又稱這次最開心是可以跟發哥學影相、跟霆鋒學詠春，自己又可以「掠」水，非常著數。
|
放大圖片
