 放大圖片
香港文匯報訊 有線節目《今日觀點》近日請來陳偉霆（William）及陳靜（DaDa）大談偶像轉做演員的挑戰。William與DaDa近年不約而同踩過界，分別由歌手及模特兒轉戰電影圈。兩人皆表示想多元化發展，不想把自己定型，局限自己的發展。但William自爆初初轉型時困難重重：「做歌手成日都有電影試鏡，試過見了好多部戲都唔中。曾試有部戲係關於游水，我去試男（主角）二號的角色，諗住實得，點知導演話唔彻我，叫我轉試男三號，又唔得，試極都唔掂，試到最後一個角色只需要跳入泳池，但因為我唔識跳水，連最後一個機會都無埋。我當時覺得自己同電影無緣，打算疊埋心水做跳舞歌手就算。我諗極都唔知自己衰咩，直至有次同一位名導演傾開，佢話好多導演都唔鍾意起用偶像派歌手，因為驚歌手有好多顧忌，佢鼓勵我有興趣在電影圈發展的話，一定要放低所有包袱。」
DaDa曾在多部電影中有大膽演出，被問到會否擔心從此被定型要走性感路線，DaDa表示做電影有時要有所犧牲。她又很高興自獲得香港電影金像獎最佳女配角後，多了很多演出的機會，所演的角色能夠發揮演技，並非僅僅當「花瓶」，一味賣弄「事業線」。
|
放大圖片
