 放大圖片
■甄子丹、鄭中基大談拍攝新片的趣事。
香港文匯報訊 甄子丹、鄭中基亮相有線《電影蒙太奇》，大談拍攝新片《特殊身份》的感覺。子丹今次身兼電影監製、動作指導及主角，但他坦言監製唔易做：「現時興合拍片，作為電影監製，希望香港時裝動作片的元素可以迎合到內地市場。但礙於兩地觀眾文化的差異，以及相關電影部門對題材寬容度不同，要在兩方面搵平衡點都幾困難，惟有逐一去解決，盡量磨合。」首次飾演臥底角色的甄子丹透露演出前曾重溫發哥周潤發演的《龍虎風雲》偷師。
鄭中基在戲中飾演子丹上司，兩人一碰面就互笠高帽。子丹表示：「我一向都好欣賞中基，成日都想搞部動作喜劇畀佢。不過今次戲中我同中基都有好多鬥嘴場口，有好多火花，我好期待將來再跟中基合作。」鄭中基則很欣賞子丹拍戲時十分認真：「佢拍每場戲都好認真，就算場戲本身好豐富，埋位時大家會再研究點可以令場戲再豐富些。」
呻無得打電話返屋企
兩人又表示難忘在化糞池拍攝，兩位「愛妻號」異口同聲表示：「最慘現場完全接收唔到訊號，無得打電話返屋企報到。」中基笑言：「那裡又臭又多細菌，拍戲時要捱餓，無得食飯。」
|
放大圖片
