 放大圖片
■吳彥祖(中)與導演畢國智(右)拍攝時曾鬧分歧。
香港文匯報訊 吳彥祖、畢國智接受有線《電影蒙太奇》訪問，大談拍攝新片《控制》的難忘事。吳彥祖第二次身兼監製及演員，坦言身兼兩職非常辛苦：「監製負責成個流程，由最開始傾劇本、搵投資、拍攝，再加埋後期，前前後後有成3年，真係好耐。雖然辛苦，但演員淨係負責拍攝，兩者的感覺好唔同。」Daniel為求專注製作，更曾因此推其他戲。
在導演畢國智眼中，Daniel是個很有原則的監製，兩人雖相識多年，拍此戲時亦曾因一個鏡頭而鬧分歧，Daniel說：「我會以監製的立場去考慮，拍多個鏡頭就等於要用多啲時間同金錢，如果有可能唔用，就無謂嘥時間去拍。」
Daniel在電影中事事參與，被問到在家中會否同樣愛掌控囡囡生活的大小事？Daniel表示：「我都想控制個女讀邊間學校，搵邊個男朋友，甚至幫佢搵埋老公，但而家時代唔同，唔可以太干涉個女的生活，我只能盡量幫佢營造一個自由的環境，畀佢發掘自己鍾意啲咩。如果佢係男仔會好啲，但因為係女我會比較擔心。」
|
放大圖片
