 放大圖片
■袁嘉敏祝本報讀者有情人甜甜蜜蜜！
今天是農曆正月十五與西曆二月十四日「邂逅」的日子，成就中西情人節的甜蜜相逢。在這個十九年一遇的窩心時刻，袁嘉敏（Candy）親製薑茶湯丸，祝福天下有情人甜甜蜜蜜！曾經是「最上鏡小姐」，擁有34D驕人身材，來緊瞓身拍電影， Candy坦言只要遇到好劇本，性感無底線，也希望可以有代表作去國際影展參展。
袁嘉敏(Candy)09年奪「最上鏡小姐」名銜後，在TVB做了三年《東張西望》主持。最近她與伯樂 Paco黃柏高簽約，成為太陽娛樂文化旗下藝人，一心在電影圈闖出名堂。13歲就到澳洲墨爾本留學的 Candy一向獨立慣，所以今次叫她親製薑茶湯丸絕對沒難度。Candy說：「坊間的湯丸餡料包括花生、花生醬、芝蔴醬、沙糖等，這裡的餡料是一種神秘餡料，此餡料使湯丸有脆口的感覺，與別不同。聽聞是老闆的家傳秘方，有着對已故父親的懷念及兒時味道的回憶。說起做湯丸，我也有回憶，當時在澳洲讀書，有次我親手整湯丸打算攞去畀外婆吃。點知行了個多小時去外婆家，碗湯丸變了味，外婆仲要話我蠢幾傷心呀！」說完這件傷心事，Candy已經用糯米粉以適量溫水搓成粉糰，取出一小份粉糰，於掌心中壓平，放入1小匙餡料，包成湯丸。
不獲安排拍劇決斬纜
29歲的 Candy參選時有翻版郭可盈稱號，曾在陳可辛公司任職宣傳和發行工作，之後經吳君如提名參加「香港小姐」奪得「最上鏡小姐」。因為一口流利英語和普通話，無綫安排她主持節目及採訪娛樂新聞。雖試過提出拍劇要求，但無奈公司懶理，苦等4年多的Candy與無綫斬纜，結束經理人合約。
回復自由身的 Candy，去年拍落幾套大片包括《竊聽風雲 3》、《賭城風雲》和《 3D豪情》等。問到今次同Paco合作契機，原來源於一個雜誌訪問。「做娛樂新聞主持，因為好多時要等夜更，一等就等足一日時間，有時唔夠時間跑下一單 job仲要趕的士。不過最尷尬有一次，被派到機場等陳豪回港，當時佢2人未認拍拖，但其實我一早已經知道實情，無奈要扮唔知追問。加上我又唔鍾意撩人哋嘢問，真係好尷尬！後來回復自由身，有一日Paco的秘書打電話畀我，問我有冇興趣見吓面。見面後覺得同Paco好夾，起碼佢都覺得我適合着貼身衫。」
既然在馬年有新作為，問到 Candy是否可以去得更盡？她說：「其實我一直也沒有甚麼底線，第一套拍的電視劇《潛行狙擊》我也有些穿性感睡衣的演出，正式播放的時候不知怎的被刪剪掉了，但我自己不會對性感演出覺得特別尷尬，而覺得如果自己身體健康有活力的話，性感得來也可以很健康。之前去了台灣拍了一套殭屍片，也有性感演出。我其實好簡單，只希望將來有套電影屬於自己，而我又可以帶埋套電影一起去外國行紅毯。」
採訪：植毅儀
攝影：莫雪芝
場地：慶有餘
化妝：Zoe Fan
首飾：Arte Madrid
|
放大圖片
