 放大圖片
■李思捷與萬綺雯前晚做東請食飯。
香港文匯報訊（記者 梁靜儀）李思捷，萬綺雯（蚊蚊）、港姐蔡思貝及朱晨麗等，前晚到銅鑼灣出席無綫新劇《牛頭愛搭馬嘴》飯局，思捷與蚊蚊做東請食飯外，又找來5位數贊助供大家抽獎。
思捷表示拍攝該劇很開心，所以舉行飯局讓大家開心一下，他又多謝范振鋒幫手找來很多贊助，其中包括有紅酒。稍後思捷將會聯同草蜢等一眾藝人去廣州演出《獎門人》騷，思捷笑言自己只是「猛車邊」，他說：「我又唔係長老，其實係講祖藍、祥仔佢哋做完長老之後有好好發展，做咗『福祿壽』，拉埋我上去扮下嘢啫。（扮女人？）我扮女人邊有佢兩個咁靚吖，我咁醜！」
談到本屆金像獎，思捷表示睇好小演員李馨巧奪「最佳女配角」，又大讚她是有潛質做明星的童星。他又說：「希望她能保持童真，唔好咁老積，所以一定要佢返學同小朋友玩，攞唔攞獎，have fun嘅啫。」問到他看好誰人得獎？他表示未看完其他候選人的影片，不過鮑姐(鮑起靜)一向都厲害。
蚊蚊表示完成《牛》劇後，便會與老公去馬爾代夫旅行，問到是否準備了多套比基尼泳衣？她笑道：「做騷咩？何況現在都仲着緊冬裝，會帶一、兩套，唔一定有㗎，要睇我老公影得靚唔靚。」問到是否趁機造人？她笑指這是後話。蚊蚊3月旅行回來便會拍攝新劇《老表，你好嘢2》。
|
