|
今屆金像獎驚喜頻頻，值得一提的是，大會播出的環節《主題短片：時代光影》剪輯出自張曼玉之手，由黑白片到現在都有，反映香港各階層眾生相。
去年娛樂界痛失多位幕前幕後影人，包括邵逸夫、劉家良、午馬、蘇杏璇、陳僖儀、林錦堂、康威、許佩、張耀榮及紅線女等，為作表揚，大會又播出多位同業前輩的片段。
此外，擔任頒獎嘉賓的黃秋生上台發言時說：「大家見我上台就知男主角競爭人又少一個。」之後他又說：「今次上台講乜嘢叫港產片，我才疏學淺，上百度網資料搜集搵港產片定義，得出三個答案，就是港燦片、港慘片、港剷片，太偏激；上維基又係三個答案：王晶、劉德華、同埋『爛片之王黃秋生』，但靠唔住，因為冇成龍。」最後結論就係，港產片，兩個字：開心。
首次獲提名角逐「最佳新演員」的無綫女藝員蔣家旻，未知是否太眼瞓，當嚴浩及章國明上台準備頒獎時，鏡頭影到她雙手掩嘴打呵欠，似有失儀態。
|
