 放大圖片
■宣萱(前)自覺自己用情很深。
香港文匯報訊 宣萱早前亮相有線保健養生節目《陳啟泰．吳綺莉 不老的傳說》，宣萱透露兩、三個月前發現甲狀腺素出現輕微偏高的情況，她又自覺工作忙碌及壓力大，身體健康開始響起警號，之後就開始試食冬蟲夏草保健。除此之外，宣萱也有一套減壓的方法：「我有一班養狗的朋友，閒時會帶埋狗仔去朋友家聚會，或者一齊放狗。礙於我的職業，出街無咩自由，所以好珍惜同朋友見面的時間。舊年有三個同我年紀差唔多的朋友因病相繼離世，令我突然省悟工作同生活要取得平衡，錢係搵唔晒，要適時畀自己放鬆下，好好享受生活。」
宣萱又與主持吳綺莉暢談過往的愛情經歷，她剖白自己20多歲時，曾有一位拍拖達6年的穩定男友，已達談婚論嫁的階段，但事業心重的宣萱為闖事業高峰，而甘願放棄愛情。她表示：「佢（男友）有同我提過結婚，當時係我事業高峰，佢講到明如果結婚，我就唔可以再做依行，要生小朋友、安心做媽咪。我問自己如果行到依步（結婚），而事業無去到個peak (高峰)，我會唔會內疚，我好快就答自己『會』，所以最終選擇了事業，到依家都無後悔。」
放開懷抱尋另一半
宣萱表示自己是個用情很深的人：「我廿幾歲時，會傻到只要對方對我好少少，我就覺得對方係個大好人。不過去到依個年紀，會識分一個人係真心，抑或假意。我係一個用情好深的人，當我想永遠同對方一齊先會同佢拍拖，所以分手時會特別傷。試過傷得好重，之後有幾個月至一年情願無拖拍，都唔想再經歷失戀後不斷喊、好辛苦那種感覺。」宣萱經歷過幾段戀情都未能開花結果，現時單身的她被問到會否對愛情失去信心，她樂觀表示：「Never give up！人生苦短，我會放開懷抱，繼續嘗試，最緊要搵到個啱key的人。」
|
放大圖片
