 放大圖片
■江華和太太麥潔文早前接受吳綺莉訪問。
香港文匯報訊 吳綺莉有份主持的有線節目《陳啟泰．吳綺莉 不老的傳說》，早前邀請了好友江華和太太麥潔文擔任嘉賓，分享患病經歷，並暢談健康養生心得和夫妻相處之道。
江華和麥潔文結婚逾廿載，談到由相識到結婚過程，江華表示一切發生得很快，「我哋係拍音樂特輯相識，識咗兩年就結婚，當時婚禮亦好低調，只有幾個朋友，由麥潔文爸爸做我哋證婚人。」江華感激太太的付出和遷就，說到感觸處更向太太真情剖白，「我對你唔住，你如果唔係嫁畀我，你可以快樂啲，我對你係有愧欠。」麥潔文聽到眼泛淚光。
問二人相處時會否經常有磨擦？麥潔文指自己近年已學習收斂情緒，因此不愛和江華吵架，但江華卻大爆他們一旦吵架，場面相當火爆，「曾經和麥潔文鬧交，佢發晒脾氣，仲嬲到掟嘢，咁啱妎R完餸返來，所以就向我掟菜、掟肉。」
被問到夫婦倆可曾閃過離婚念頭，江華即開玩笑表示：「就算有諗過，都唔可以係老婆面前講有！所以我梗係要講冇諗過啦。」反而麥潔文坦誠曾有一刻想過離婚，但很快打消了念頭，「雖然曾經有一下閃過，不過結婚時已經講咗唔可以離婚，如果要離就唔好結，所以點都堅持唔離婚；同埋希望小朋友有個完整家庭，唔想影響到佢哋的成長。」
嚴重腰痛致生情緒病
提到夫妻相處之道，江華表示最重要是互相包容，學識將對方的優點放大，縮小缺點。江華更表示感激太太一路無悔支持。
此外，江華亦說起多年前的患病經歷，當時他因嚴重腰痛而推掉不少工作，身心備受壓力和折磨，「腰痛係一路累積落嚟，最嚴重係痛到出現幻覺，企唔到、瞓唔到、行唔到，病情維持兩年多，當時一般情緒病的症狀都浮現出來，怕自己會死、怕會自殺，覺得人生無出路。」江華情緒跌入低谷，幸而靠着信仰走出陰霾。
麥潔文明白江華備受情緒病困擾，所以常以言語激勵對方，「我明白情緒變化係會互相影響，所以我要表現得好鎮定，當無事發生。為咗令佢唔好有大壓力，我會成日同佢講：『我知你好辛苦，但唔好擔心屋企，健康最緊要，我哋識照顧自己，一家人一齊已經好開心，唔使一定要住高樓大廈、大魚大肉。』希望佢聽完可以放鬆自己。」
|
放大圖片
