 放大圖片
■熊黛林自言要搵新感情。
香港文匯報訊（記者 梁靜儀）兩大型男方中信、杜德偉（Alex）、熊黛林（Lynn）、周秀娜、文詠珊（Janice Man）及何倍倩等，昨晚出席雪茄品牌舉行的派對，Alex更偕同太太Ice現身上台高歌娛賓。近日有指苟芸慧冧掂小美再「攻城」，Lynn談及此事時表現不屑，她自言已對城城的感情事放低晒，仍會視對方為朋友。
同場的Lynn被問到有報道指苟芸慧(苟姑娘) 獲小美「御准」再「攻城」，更被拍到黐實小美去踩背，而城城亦罕有地將自己與苟姑娘出席公開活動的相上載到Instagram。阿Lynn聞言即表示自己剛由上海拍戲返港，無留意報道。
說到苟姑娘冧掂了小美？阿Lynn不屑的說：「冧掂咗好勁咩？」繼而又指別人的事自己不方便評論，每個人搵到自己鍾意的人都是好事。有指苟姑娘手段厲害？不把苟姑娘放在眼內的阿Lynn說：「身邊都無人識佢，無聽過關於佢嘅嘢，無資格評論人哋係點，人哋開心就得喇。」
她又稱與城城已成過去，自己也希望快些有新戀情。追問到她是否已對城城無感覺？想了幾秒後阿Lynn才答道：「佢係朋友，都仲當係朋友嘅，但無諗感情嘢囉，自己放低晒，要搵新感情，我Ready咗好耐喇。」對於城城與苟姑娘傳「翻撻」，阿Lynn大方說：「祝福每個人，我同所有人都無仇，正面啲睇希望所有人開心。(城城放苟姑娘嘅相上網？）咁我之前都無同佢一齊出席過活動。」
方中信不信達哥戲份被刪
近日有傳吳孟達因被導演刪減《竊聽風雲3》中的戲份，決定缺席有關電影宣傳活動。有份演出的方中信表示沒有聽過傳聞，又指與達哥在片場合作好開心，他又說：「大家都知《竊聽3》係群戲為主，唔會話突然邊一個多咗少咗，佢地唔係嗰種氹你落叠又cut你戲嘅！」談到有指達哥身體出現問題？方中信指達哥比起最肥的時候，清減後血脂都低很多。
至於他在戲中的造型被指抄足一位江湖中人？他強調沒有醜化對方：「似唔似我就唔敢講，如果似嘅，希望嗰位大哥唔好嬲，咁我都算係靚仔嘅，我無醜化咗吽I」
娜姐「重口味」畫作贈母
被黎明一手打造成「模Art」的Janice Man，被指有意離開黎明的Amusic，轉投新公司做「一姐」。Janice表示沒有看過內容，但表示都有親自同老闆黎明傾過，她說：「我有表達自己意思，想主力電影多啲，都唔抗拒同其他公司傾，不過真係未有去向，我又唔趕時間，而且份約仲有一段時間。」她又稱這5年來學到很多事物，但人大了又想有新嘗試，黎明也知她的諗法，給了她很多意見，令她很感激。
另外，以白色透視裙出席的周秀娜，打扮雖然性感，但胸前明顯離罩。當知道離罩後，她即挺起胸膛說：「做人最緊要挺胸收腹。」她謂近日有打boxing，早前又與朋友去學畫畫，畫了一幅自己叼着雪茄的畫送給媽咪，不過她卻放了在廁所，可能嫌太重口味。
|
放大圖片
