 放大圖片
■王馨平近日接受電視台訪問。
香港文匯報訊 王馨平（Linda）近日接受電視台訪問，大啖海鮮之餘亦暢談飲食心得及其近況。王馨平表示自己對飲食有要求，全因自細便會跟父母四處吃好東西，加上爸爸王羽廚藝了得，耳濡目染之下亦變得識飲識食。
王馨平亦分享自己保持身形的心得，「最緊要係享受食物，平時要多做運動，三餐裡面最好晚餐份量食少啲。」她續稱往日年輕時不會注意飲食，導致病痛纏身，「以前做藝人食無定時，肚餓嘅話就會隨手食薯片、零食，搞到成日胃痛，身體亦變得好易病，同埋我發現娛樂圈嘅人好鍾意打邊爐。直至婚後我啲飲食習慣先變得正常，至少係三餐定時，有時係屋企都會煲湯同糖水滋補下。」
王馨平喜歡品酒，她亦以「香檳」來形容自己，「香檳係好開心嘅飲品，因為通常開心喜慶嘅時候，大家都會用香檳嚟慶祝，我覺自己份人似香檳，畀人係樂觀、開心同正面嘅感覺。」
|
放大圖片
