 放大圖片
■陶大宇透露最近成功戒煙。
香港文匯報訊 近年主要在內地工作的陶大宇抽空回港接受有線《為食情報局》訪問，暢談其飲食心得，並分享最近戒煙成功之經驗。
陶大宇奉行清淡飲食，他解釋道：「我從來都好擔心要減肥，所以我好節制，加上最近覺得身體健康好緊要，因為我好想可以照顧到我媽媽。」陶大宇更因健康理由戒掉幾十年的煙癮，「我覺得戒煙係我送畀自己最大的禮物，其實戒的過程都好辛苦，因為食咗幾十年，好彩到最後都戒得甩。」
陶大宇近年工作集中為商演，較少拍攝電視劇，陶大宇坦言商演又輕鬆又「和味」，更笑言：「我應該係屬於舞台，早知早些唱歌，之前拍咗幾十年劇，好辛苦。」不過他坦言不習慣內地飲食文化，「內地人有句說話叫『背脊向天人所食』，佢哋真係乜都食，但係我就好多嘢唔食，炸蠍子、炸草蜢同野味，我都唔會食，所以佢哋覺得我好揀飲擇食。仲有內地食物偏向油膩，所以我會預備一碗滾水，淥一淥先食。」
另外，陶大宇透露最喜歡與老友們打邊爐，歐陽震華更是其「飯腳」，續說：「但係我同佢食飯，要坐在佢身邊提佢唔可以亂食野，唔可以食得急。」
|
放大圖片
