 放大圖片
入行10年的楊秀惠最近在《忠奸人》飾演CID「Icy」，跟出名嚴格的娥姐（商天娥）合作。在娥姐教導下，楊秀惠更學懂分析劇本。近年無綫鬧小生花旦荒，造就楊秀惠這些二線藝人上位，早前於《金枝慾孽貳》及《叛逃》中的演出有不俗表現。楊秀惠多謝公司多年栽培，但自言不急於上一線，因為知道自己還有很多需要學習的地方。■採訪：植毅儀／攝影：莫雪芝／場地提供︰SUN PALACE
出道以來一直包包面的楊秀惠，09年忽然出現大細面，惹來整容失敗疑雲，當時秀惠解釋全因使用瘦面產品所致。從小便貪靚，楊秀惠更把個人喜好變成事業，早前投資七位數，於銅鑼灣開舖自己做老闆娘，代理美容產品「That'so」變身美容達人。
談到創業經過時，楊秀惠坦言：「自己一向鍾意研究美容，咩都會自己去試，試過好又會同身邊的朋友分享。之前去新加坡玩，有朋友介紹我用某意大利品牌的化妝品，我用完覺得效果唔錯，自己一手一腳去寫意見書，去攞個獨家的亞洲區代理回來做。成件事由策劃到傾得成，都用了大半年時間，當中成日半夜去覆電郵及開視像會議去傾細節，都幾有成功感。不過，因為自己未做過生意，又係藝人身份，反而遇上阻力，意大利品牌負責人對我沒信心，直至我每次第一時間做到佢提出的每項要求，佢先至信我。」
多謝公司給機會
2003年，楊秀惠參加馬來西亞華裔小姐競選，贏得冠軍，繼而參加無綫電視舉辦的2004年國際華裔小姐，縱使最終未能贏取任何獎項，卻獲無綫賞識與之簽約。今年剛好是楊秀惠入行的第十年，雖然未能上到「一姐」之位，但其實十年間機會不斷。「講真我好滿意自己在娛樂圈呢十年的成績，公司畀好多機會我，由以前做小妹妹的角色，到近2年有不少可發揮的角色。加埋呢兩年在《姊妹淘》做主持，令自己的廣東話進步不少。其實未入行前，我是幾怕羞同唔敢主動和別人溝通，但做娛樂圈真的可以令人成熟，最少現在我一個人去見客都唔會『騰雞』。有時做演員，唔一定係上到一線才是成功，講真就算公司現在畀個主角我做，我都未必handle到，你睇見娥姐同阿田(田蕊妮)她們演得咁好，就知道我仲需要多學習！」
|
放大圖片
