跟Angelababy「撞樣」？ 關心妍：大家都咁靚

放大圖片

■關心妍

香港文匯報訊（記者 梁靜儀）關心妍（Jade） 、方皓玟及岑日珈前晚到將軍澳電視城錄影《勁歌金曲》，相隔三年再上《勁歌》的阿Jade，前晚穿上露腰裙現身，談到其十一月演唱會的宣傳海報被指與Angelababy「撞樣」？ 阿Jade說：「大家都咁靚，好彩似Baby，可能駁咗長髮感覺似，當免費宣傳。」

曾表示要找型男做個唱嘉賓的她，表示已邀請了兩位唱得的型男。問到事先可要給老公過目？阿Jade笑道：「唔使佢揀啦，佢個個都唔啱，原本佢想畀意見，咁我就話唔畀我揀就要佢上台做嘉賓，老公即刻話：『咁你揀啦。』」至於歌衫又可會受到限制？阿Jade指老公着重靚唔靚，而近日因為與老公一齊瘦身，打算一起穿Deep V，不過老公穿Deep V的機會很微。她謂現時已練到四塊腹肌，打算練到六塊腹肌， 由於年紀已不年輕，所以這兩個月要進行地獄式訓練。 方皓玟表示已有六、七年沒有入電視城，這次上《勁歌》主要是宣傳自己作的新歌《分手總約在雨天》，是一首講述分手經歷的歌，她又有感而發說：「再堅強的女仔，分手時心情都會好噏，加上近日社會氣氛唔好，瞓唔着，都想作啲正能量嘅歌。」談到工作，她透露將會與葛民輝合作拍微電影，年底又會推出新碟及舉行音樂會。