 放大圖片
■左起：麥長青、王浩信、商天娥、李詩韻及岑麗香相處愉快。
香港文匯報訊（記者 梁靜儀）王浩信(Vincent)、李詩韻、岑麗香、商天娥及麥長青等，前晚出席無綫新劇《樓奴》煞科宴。Vincent表示今次大家合作得很開心，所以大家都爭住請客，結果這次有七個人夾份請食飯。
Vincent表示日內便會開拍與歐陽震華合作的《東坡家事》，趁住開拍前有幾日假期，他會去剝兩隻牙，希望整靚棚牙見大家。他又自爆為了牙齒整齊，現時都有箍牙。提到吳啓華近日宣布離婚，曾與對方合作《再戰明天》的Vincent表示好可惜，但拍《再》劇時並不察覺對方有唔開心，表現很專業，雖然大家都有小朋友，但啟華亦未有提及婚姻有問題，直至日前看到報道才知道，他又說：「我會問候下佢，等佢自己處理件事。」
詩韻笑言拍完《樓奴》後仍未抽離角色，整個人都變得很粗魯，身邊朋友還以為她發生甚麼事，問到是否男朋友詐型？她笑道：「咁又無，不過佢都鍾意斯文啲，係啲朋友嚇親。」她又透露稍後便會到新加坡拍劇。
香香完成新劇後，打算返溫哥華探望家人及很久不見的朋友，或相約朋友去馬來西亞旅行。說到她要個男朋友？她笑道：「睇嚟都要，講笑啫，做嘢先啦。」
|
放大圖片
