蘇保羅馬房件「勝捷勝」，雖然已是八歲雌馬，但向來是四五班升降機，季初四十二分於四班下游起步，面對「由心出發」、「金珀龍華」等質新惡爺，當然難起作用不敵對手，所以廄主蘇保羅一早部署減分落班，兩連敗後如今落番四十分水平，即報跑五班賽，肯定屬出擊箭頭所在，而上季贏過兩場田草千二米，蹄下敗將全都係好有能力嘅五班馬，如「好鍾意」、「仁愛之友」等，賽績絕對唔弱，近兩仗雖敗其實末段尚算肯追，難得同場對手唔係咁強，老馬狀態明顯比之前靚得多，既然爭勝條件樣樣堅，當可睇高一線。
