孖寶我有計：愛寶窄場性能佳

放大圖片

快活谷跑道經一段時間養草，相信場地情況會相當理想，實力馬應可跑出水準．選馬時不必刻意求冷，投注孖寶的話，最佳策略當然係一冷一熱。

第一場、第五班、二二○○米。「醒少少」曾兩捷田草二千米，當然屬中長途好手，上仗在谷草千八米憑形勢之利取得久違了的頭馬，勝後只加六分留在五班負磅仍非太重，有力乘勇再贏。「掌金」上季次仗勝出同欄位同程，今次爭勝條件完全一樣，而且屬全場最輕磅馬匹，跑長途優勢大，隨時在此突圍而出。

第二場、第四班、一二○○米。「愛寶」六次出戰谷草賽事取得兩冠兩亞兩第五，其中上仗以守好位跑法輕勝，復課韋達親試大閘再仄，擺明車馬要在今仗復出戰替此駒爭取連捷。「祥勝戰駒」上仗初出在同程雖然只跑第九，但實際負於頭馬僅不足兩馬位，沿途在馬群中左穿右插都近相當難得，熱身後再來可起作用。