 放大圖片
■工作人員上台為丁悅重新整理條裙的索帶。
香港文匯報訊 一連兩場《丁悅 19 Debut Live Concert 2014》個人音樂會前晚假香港藝術中心壽臣劇院開鑼，丁悅獲多位圈中朋友到場支持，包括李蕙敏（Amanda）、麥德羅、鄧英敏、范振鋒等，而林建名亦有現身，更坐足全場，十分畀面。
前晚一開場，阿丁唱完頭一首歌後，隨即邀請師姐Amanda上台，Amanda在台上表示：「我都係第一次見阿丁，原來佢真人都幾高，說話技巧仲好過我出道的時候好多。」阿丁即搞笑表示自己其實在腳震。Amanda落台後，台上熒幕就播出阿丁偶像容祖兒的打氣短片，事前並不知情的阿丁即嚇得未能反應過來，其後便唱出祖兒的《我的驕傲》。
在首場音樂會上，阿丁共換了五套靚衫。開騷前一周，阿丁每天閉關練舞、練歌，又一日三餐麥皮減肥，以致全身瘦了一圈，前晚當她穿上紅毛毛露背裙演唱時，靚裙竟然慢慢滑落，令她險甩裙走光，但最搞笑是阿丁一於少理，一路托胸以防走光，一路從容淡定地繼續又唱又跳，不過最後還是要工作人員上台為她重新整理索帶。
阿丁前晚除一口氣又唱又跳足足兩個多小時外，創意無限的她更自創了一首減肥歌，逗得全場觀眾拍爛手掌。
|
放大圖片
