 放大圖片
■千嬅邀請好友陳慧琳（右）特別演出新歌MV。
香港文匯報訊 正籌備演唱會的千嬅，日前為新歌《好不容易遇見愛》拍攝MV，她更親自邀請好朋友陳慧琳(Kelly) 特別演出。
千嬅與Kelly同期出道，相識近20年，雖然工作上合作不多，但每次見總有說不完的話題，今次為配合MV內容，千嬅很想找一位有特別感情的朋友參與，立即想到Kelly，並感謝Kelly爽快答應。
2000年千嬅首個紅館演唱會，當時已經邀請Kelly做第一位出場嘉賓，她說：「其實佢係我人生第一個紅館演唱會的嘉賓，更加係第一場嘉賓，仲要係第一個出場，比我更早出場的嘉賓。」Kelly碌大雙眼，驚訝地說：「係咩？」千嬅續說：「你仲幫我掃地掃咗半個鐘！」Kelly隨即大笑說：「係呀，我記得啦！咁你要幫我拖地！」千嬅豪氣地說：「好呀！我幫你個仔間房拖地都得㗎！」她又笑說，當年第一次開演唱會，希望令觀眾驚喜，於是她膽粗粗邀請Kelly做嘉賓，而且要她開騷前在台上掃地，果然引起話題。
鏡頭前後，兩位潮媽天后聚頭立即雞啄唔斷，又講扮靚又講湊仔經，就連導演嗌cut都不知道。Kelly笑說：「我哋唔係成日見面，但一見到面就bla bla bla講唔完！」育有兩子的Kelly湊仔經驗特別豐富，千嬅成功向她討教：「Kelly教咗我兩招餵囝囝食嘢的方法，今晚返去試！」Kelly扮得戚地說：「過兩招，唔多，少少就夠！」
|
