|
上星期香港國際賽事周結束後，今個星期一切回復平淡，今次夜賽舉行八場谷草賽事，姚本輝馬房派遣五駒參戰，當中有唔少是有爭勝實力之賽駒，如蒙幸運之神眷顧，好有機會增添頭馬紀錄。
季內至今出賽五次均未失三甲的「樂在其中」，近期一連兩仗在快活谷一哩及千八米取得勝仗，今戰在千八米再上陣，姚本輝說：「馬兒嘅質素唔曳，只是長途馬較為遲熟，踏入今季漸入正軌，加上評分大幅下調至有利水平，所以能夠成功反彈，兩捷後雖然評分增加，但未升班仍有利，且進度保持良好，有望取得三連勝。」
剛戰在田草三班千六米跑得第四名的「小龍兒」，今仗移師快活谷一哩首次上陣，練者說：「此匹四歲馬經過熱身後，上賽有好大進步，增程在千六米角逐，本來有唔錯的爭勝機會，可惜排在十檔有點不利，需要在外疊競跑，而且慢閘早段落後太遠，形勢非常不利，能夠追回不少失地而有接近的表現，已算交出水準，復課經過一番打磨，成熟程度有所增進，今次轉戰谷草，對手實力比沙田減弱，好有機會提升名次跑入三甲，當然贏馬就最理想啦。」
|
