睇通睇透：四季星大熟再報捷

告東尼馬房匹「四季星」雖然在港是一出即在沙田直路賽贏馬，但其後四場頭馬俱是在谷中場地錄得，明顯谷中跑道才是呢隻馬主場，目前評分雖然處於高點，但陣上演出仍穩定，好似季內五戰也獲一冠一亞兩殿，早前入Q一役僅負於再出繼續上名的高質馬「天心星」，賽績方面甚有水準，上次回配人馬合作有一半上名率之韋達，出戰最有把握的谷草千二米，賽前出擊意圖相當明顯，結果以極輕鬆姿態擊敗大熱門「君子協定」贏馬而回，姿態根本是有餘未盡，今次隔兩星期匆匆再安排上陣，看賽前操練工夫對辦勇態依然，勝後不用升班便宜莫甚，韋達肯再騎，料連勝難度唔高。