 放大圖片
■容祖兒與從台灣來港出席的女歌手齊豫（右）出席《梵海和音·祈願世界和平2015慈善音樂會》。
香港文匯報訊（記者 梁靜儀）容祖兒前晚出席在灣仔伊館舉行的《梵海和音．祈願世界和平2015慈善音樂會》，同場出席的還有專程從台灣來港出席的女歌手齊豫，一身黑白打扮的祖兒表示為了揀衫而傷透腦筋，因顏色要配合莊嚴的場合。
祖兒表示因為媽咪的關係而傾向信佛，而這次獲邀請可能與佛有緣。她又稱平時也有抄佛經，令個人平和一些。問到會否考慮出佛歌碟？她說: 「幾年前唱過《心經》出過碟，只係不是有太多人知，我未有Cally姐（鄺美雲）咁嘅修行，睇下緣分安排我到時做乜就做乜囉。」音樂會上祖兒又現場獻唱《心經》。
其好姊妹蔡卓妍(阿Sa)在電影《雛妓》中有全裸演出，祖兒說: 「好震撼，好期待，不過阿Sa話希望大家不要抱住色情眼光入場，因為套戲有好深奧意義。」 她又爆阿Sa拍戲期間情緒好低落，有少少抑鬱，但現在已無事，希望阿Sa今次成功。問到若有人找她拍類似題材，會否肯全裸演出？祖兒說: 「如果係嘅OK㗎，（唔使同男友備案？）其實藝人好被動，都係等機會，一有嘅話就會爭取，唔使同咩人交代啦。」
另外，提到其好友何韻詩被市民推薦投身政界，問到祖兒可覺得適合？祖兒想了一會才回應:「咁佢都有呢方面嘅興趣嘅，不過我又唔係好識，呢排又少聯絡咗，我睇新聞先知。」問到若阿詩參選會否投她一票？祖兒聞言頗大反應說: 「嘩，到時先算啦。」
|
放大圖片
