 放大圖片
香港文匯報訊（記者 植植）黃美棋昨日在上環出席聖誕活動，身穿白色冷衫、紅色長裙的美棋BB，於台上大騷身手，玩雜耍拋波及唱歌，吸引唔少粉絲圍觀。美棋BB接受訪問時自爆剛由山頂坐的士去上環，發生咗驚險事件，的士司機好似飲醉酒咁，剷咗上路壆又去錯地方。美棋說：「落車的時候太驚，驚到撞瘀咗隻腳，所以在此呼籲大家聖誕節飲酒後切勿駕駛。經理人形容我是『的士剋星』，上次又係由山頂走，當時男的士司機唔識路，竟然喊住叫我們落車轉第二架車。」
問到美棋聖誕節有咩做？她說：「平安夜有工作，工作完後，會約朋友開party。聖誕正日就同家人食飯，(被問及有冇約男友？)係朋友。」
|
放大圖片
