Sammi半夜領教「吹神」威力

放大圖片

■Sammi與Eason前晚不約而同穿上粉紅色衫上台。

香港文匯報訊 「Touch Mi鄭秀文世界巡迴演唱會」前晚來到第三場。當晚Sammi穿上粉紅色大褸唱着《輸得漂亮》期間，特別表演嘉賓陳奕迅(Eason)，穿上同樣粉紅色的服裝拿着一束鮮花出場，全場哄動尖叫。他送上鮮花後與Sammi擁抱，他說：「我今日專登去花店買，我覺得好襯你。我一直喺台下聽你唱歌，真係好好聽！」

Sammi在台上大爆2年前他們前後腳出席某個頒獎禮後，她在凌晨4時接到Eason電話，討論歌唱技巧，更親身領教「吹神」威力，Sammi笑說：「凌晨4點，我已經瞓咗覺，佢同我分享唱歌心得，仲指導我唱歌。你呢可以咁咁咁，又可以用另一個方式咁咁咁，咁咗成粒鐘之後，我帶住好眼瞓和同感恩的心情繼續瞓！」Eason立即尷尬地笑說：「主會原諒我嘅，所以我先至會咁大膽去騷擾你。其實我跟住有打畀安仔，嘈埋佢，又講咗成個鐘，不過係第二日下午12點！」全場爆笑。Sammi又向Eason點唱《歲月如歌》，還全場大合唱，場面震憾。