圈中人語：常開心勝券在握

放大圖片

今晚快活谷跑八場賽事，以B欄C彎跑道作賽，頭場晚上七時十五分開跑，全晚唯一錦標是由三班馬跑一千米競逐香港會挑戰盃。馬房方面，徐雨石及蘇保羅皆派出多匹惡馬列陣，當要優先留意。騎師方面，莫雷拉、韋達及郭能均有不少實力馬在手，值得吼實動向。

第一場、第五班、一八○○米。「皇龍大師」季內跑過八仗無功，今仗減至三十八分出戰五班千八，計實力在此必有討價還價之力，再看上月初在四班出爭同程配田泰安操刀，沿途守在四五位，入直路打衝鋒只負「常開心」個多馬位得第五，可見今次加強配搭用韋達執韁，憑較高班厚優勢，在此隨時叩響勝門。

第二場、第四班､一二○○米。「心花怒放」上周三以後備身份補入跑谷草千二米，抽排有利一檔，加上本身前速銳利，領放到最後拉士幾十米乏力跑入第三，惟本身所締造時間水準亦不俗，今次匆匆七日後再跑此程，當紮勇馬在此群未見攔路老虎，誠屬今場三甲正路之選。

第三場、第四班、一二○○米。「大勇士」前仗初配郭能跑谷草四班千二米，末段一度被困下稍遲望空，結果仍衝贏打開勝門；上次原庄配搭再戰同程，無疑排九檔及負一三零磅均不及上仗有利，但始終留在四班角逐稍佔優勢，結果力拚之下只負給贏完再贏�鵅u銀飛龍」頭位實屬欠運，翻看同主馬「華倫天奴」以往服役時不論賠率冷熱皆搏，今次「大勇士」抖到夠再戰，只要交出水準，當有再捷本錢。

第四場、第四班､一八○○米。「常開心」（圖2號）�鬘|班作賽必具優勢，今季評五十五分初出田草一哩即殺入配腳；跟手兩戰配潘頓搏殺皆止於接近；上仗改配郭能操刀轉攻谷草千八，臨場有十三倍好分頭，十檔起步後沿途留守馬群中疊，轉入直路兜出外欄打衝鋒，最後殺低「有智者」贏馬。今仗抖足個多月再戰同程，環看同場對手實力非強，再下一城可做到。

第五場、第四班、一六五○米。「神州魅力」經過練者落足心機打磨才上陣，首仗配羅理雅在四班千四米跑第三，負於頭馬「天長地久」個多馬位；接戰改由柏寶接手再戰，排九檔出閘後擺在前列，在終點前僅以頸位不敵「美麗里程」及「連利之星」又得第三；打後兩戰跑一哩及千四皆有飛冇影；今次渡江初爭一哩兼出王牌，看部署必定有心搏殺求功。

第六場、第三班、一○○○米。「按一按」八歲老黃忠季內評六十五分，初出谷草一千跑尾二；翌仗轉爭田草直路賽排一檔起步，九十九倍大冷門沿途殿後，拉士二百衝刺有力，最後負於「御鋒」三馬位跑入季席，拚後官仔馬狀態循序漸進，今仗復爭谷草一千米強項，交出水準可坐位望贏。

第七場、第三班、一二○○米。「君子協定」四歲仔今季表現穩打穩紮，季內初出田草千二米力戰入腳；翌仗改配雷神出戰谷草千二，十八蚊熱門沿途快放直領到底；加分後再兩戰谷草千二俱殺入亞席；今仗繼續瞄準首本戲開火，仍在不斷進步質新馬，打鐵趁熱有望衝擊季內第二W。

第八場、第三班、一六五○米。「其樂無窮」四歲馬潛質非凡，季內六戰取得兩W成績，最難得係能夠打疊連下兩城，看上仗贏馬一役，排十二檔起步慢閘稍失地，沿途殿後競逐，不過轉彎後兜出外疊蝕位追，到落山時更率先踩油發力，最後直路愈贏愈遠大勝三位半添食，贏馬後今回升三班只�擊晾S誓師，只要有合適步速，隨時成為季內谷草首匹三捷馬。