 放大圖片
第六場､第二班､一二○○米。「牛精好友」跑谷草千二戰鬥力強，上季唯一頭馬就是在二班此程殺低「勁勢」；前仗出爭一班同程，配郭能乃十九倍冷門，沿途守住第五位，入直路取外疊後上得第五。今次練者揀番谷草強項誓師，用到吳嘉晉減磅執靚檔爭盃，誠屬爭盃要角。
第七場､第三班､一六五○米。「小龍兒」姚廄S布中距離佳駟，今季三戰仗比仗近，上場初次渡江出爭谷草一哩，臨場八十五蚊着燈打到六十五蚊開跑，六檔起步擺前守好位，最後百餘米發力一攻而破，今次繼續瞄準勝途，雖然抽衰檔起步卻換來可觀分頭，能哥搶閘工夫一流，是有追捧價值。
第八場､第二班､一六五○米。「牽動美麗」上季跑至季尾喺此程爆出廿四倍冷W，而今季跑過四場，最近兩戰配巫斯義爭谷草一哩及千八皆追得兩咀，近況已見漸入勇境，今次搵晉仔騎減至一一三磅輕飄飄，加上此系馬剛戰有馬贏，食住旺勢慎防爆大鑊。
|
放大圖片
