 放大圖片
■容祖兒罕有擔任千嬅個唱的表演嘉賓，更一起合唱。
香港文匯報訊 「楊千嬅 Let's Begin 世界巡迴演唱會2015」前晚在紅館舉行第二場，全場爆滿。千嬅老公丁子高與好友劉洗龍、蔡一傑、郭偉亮與太太葉佩雯台下捧場。當晚表演嘉賓容祖兒為歌迷帶來驚喜，一向被外界視為宿敵的二人更合唱擁抱，連祖兒也認為當晚是好值得紀念的一晚，千嬅更指祖兒是很優秀的競爭對手！
前晚千嬅唱了多首經典金曲打頭陣之後，她親自解構演唱會不規則舞台設計說：「今次由朱祖兒設計舞台，我問佢做乜個台不規則？原來佢話為配合今次演唱會主題Let's Begin，呢啲一個個似圓非圓嘅東西，原來係『細胞分裂』，佢話Let's Begin即係由頭再來過，楊千嬅最最最開初係咩？咪細胞分裂囉，嘩，真係讀少2日書都唔得呀！」非常搞笑。
當千嬅唱到新歌《最好的債》的時候一時感觸眼泛淚光，甩了幾個字，歌迷立即大合唱並報以掌聲支持，所以她在「安哥」時也「上訴」，好好地再唱一次。
妙語論樂壇競爭關係
「安哥」部分，嘉賓容祖兒從舞台中間的機關升上台唱出《習慣失戀》，全場驚喜尖叫，唱到中段千嬅亦從舞台另一端出場，二人合唱後擁抱。祖兒問千嬅：「點解你揀唱《習慣失戀》呢？」千嬅自爆當年失戀後經常流連卡拉OK，適逢祖兒當時推出多首失戀療傷情歌，千嬅笑說：「但愈唱愈lonely，唔係好療到(傷)！」祖兒乘機玩食字：「唔療到？咁咪好潦倒？」令千嬅喪笑。
隨後她們卻變得感性起來，祖兒說：「對我來講，今晚係好值得紀念的一晚！」千嬅表示邀請祖兒做表演嘉賓，除了因為其歌曲陪伴她渡過單身的時光，另一個原因是祖兒是她人生路上和工作路上好欣賞的人之一。千嬅說：「唱片公司之間就好鬼麻煩，有啲敵對心態令個市場熱鬧啲，呢種marketing嘅嘢我就唔識計。當然喺頒獎禮上面大家都係競爭對手，唔係你贏就我輸，當然嗰刻好唔gir......係咪先？」祖兒付和：「係㗎，會㗎！」千嬅續說：「但過咗之後會返去討論自己。其實我覺得呢個圈子好應該多啲唔同嘅歌手，好似我同你，哈哈哈，我喺度係勁讚我自己！」祖兒：「無所謂，呢個場你㗎嘛！我從來唔諗呢啲marketing嘅嘢，因為任何一個市場都唔可能只有一個產品，例如唔能夠只有iPhone，亦要有Samsung！」全場爆笑，祖兒補充：「最重要係大家都係咁受歡迎！」全場掌聲。
千嬅對祖兒說：「我有去睇你『1314』嗰次演唱會，我好感動，睇到你努力，大家同行，睇得出你背後付出幾大嘅努力。見到你病，我個心好唔舒服，曾經有過呢個感覺，就係見到Eason(陳奕迅)把聲有事嘅時候。」提到她們的共同朋友Eason，千嬅和祖兒立即講是非，祖兒說：「Eason好多治療秘方，成個神醫咁！」千嬅說：「係呀，佢昨晚(24號)仲話有個針灸減肥唔使做運動，佢話自己試緊，得就介紹畀我喎！」祖兒露出質疑的眼神問：「得唔得㗎？」千嬅說：「我同佢講呢個世界無不勞而獲，小心中伏！」哄堂大笑。
祖兒認女人最緊要歸宿
接近尾聲，祖兒對千嬅說：「我好羡慕你已經踏入人生另一個階段！」千嬅話：「你都近啦，好快㗎啦！」祖兒笑說：「女人最緊要咩？歸宿！」全場掌聲，碰巧祖兒男友劉浩龍亦在觀眾席上，更坐在千嬅老公丁子高旁邊，舞台大銀幕影到二人，全場尖叫，千嬅亦向祖兒指示他們的座位，祖兒說：「係喎，兩隻獅子。(劉浩龍和丁子高同屬獅子座)。」千嬅笑說：「我呢個場好旺㗎，我助手當年都係喺我嘅演唱會度識到佢現在個老公，當年演唱會叫『開大』，結果佢真係開大，仲生埋BB！」祖兒聞言甜笑。祖兒落台之前與千嬅擁抱，千嬅對着她說：「多謝你，令我工作路上有個咁優秀的競爭對手！」
|
放大圖片
