 放大圖片
第五場、第三班、一○○○米。「勝任如意」首戰於直路賽跟「澤心星」串Ｑ，已顯露一定能力；翌仗再戰直路賽卻因檔差而名次大幅倒退；前仗轉到此程立即獲勝，段段快開下壓倒其後已補中的「勇戰」，屬單打獨鬥好賽績；勝後加五分，上回再遊勝地，一檔起步順勢搶前擺頭走，最後二百已能單騎表演，以兩個幾身位擊敗亞軍的「名馬」，總時間57秒19僅次於「四喜滿堂」，成為季內四班此程締速第二快，屬出色的頭馬。三歲仔里程新，預期續會進步，升班負輕磅會放得更爽而再賺形勢，作膽可靠。
第八場、第二班、一二○○米。「摯友無敵」今季於四班此程彈離「翡翠寶寶」贏得首Ｗ未算特別，翌仗回到三班，遇上偏快步速，頭兩段快到46秒04，跟得急仍能輕取實力指標「君子協定」，屬出色頭馬；前仗把握到排一檔之利，擊敗「如虎添翼」完成季內三捷，觀乎後駒再出於同一路程補中，彰顯水準值三班中上級；剛戰因巫斯義停賽而初配韋達，途中搶口難以穩定走勢下仍能跑得季軍。確認四歲自購馬大熟大勇，外地只跑一仗贏馬便來港，尚有頗多發掘空間，今次排黃金一檔負輕磅，可沿欄跟前賺形勢，首選揀佢。
|
放大圖片
