|
姚本輝今次賽事派遣五匹實力馬參戰，練者希望臨場有好形勢配合，各駒可以交出應有水準，並取得頭馬。
前仗在快活谷四班一哩取得在港首捷的「盈豐駿駒」，剛戰在同程再上陣也能跑入一席第三，今仗舊地重遊，姚本輝期望馬兒續有好演出，他說：「此匹北半球自購馬質素唔曳，在四班是有一定優勢，剛戰本來亦有取勝機會，可惜遇慢步速不利牠發揮，能夠力保一席位置已算交出水準，賽後復課狀態有進無退，較早前在沙田草地試閘走勢良好，成熟持續有進步，如果臨場步速扯得夠快，好有機會取得季內第二勝。」
一連兩仗在田草四班一千米角逐均告有好演出，取得一亞一季的「及時取勝」，今仗移師快活谷一千米首次參戰，姚本輝說：「此駒屬一匹短途馬，原本近兩戰田草一千米直路賽是有贏馬機會，可惜欠缺運氣，排在二、三檔起步，排內檔跑直路賽是相當蝕底，能夠在三甲上名已算本事，今戰雖然首次在快活谷出賽，不過十二月尾曾在快活谷草地試過閘，表現唔錯，窄場應該可以應付，加上好幸運抽到二檔，希望可以發揮出最佳水準，贏得首場勝仗。」
|
