霍利時馬房的「至叻熊」，上次千二米換上雷神被捧成大熱開跑，但賽前蹄甲有事曾擾攘一大輪，並要在閘前作重新釘甲，結果早段留得太後，被放頭馬「手到拿來」直路愈放愈有，以致最終鞭長莫及只追回第二，細看賽績，捧到兩倍只得Q腳而回表現看似失望，尤其騎師莫雷拉前中段守內欄跑到一絕，入直路亦交出強橫後勁，不過跑道偏差實在太大，任憑衝刺幾勁依然力追不及，相對可以在劣勢彈甩季軍「好事必得」一又四分一馬位，可見「至叻熊」愈跑愈進步，今次因應馬匹跑法較被動，終於扳上千四米，必全力求勝，大家宜追多一趟。
