 放大圖片
今晚沙田舉行全泥夜宴，通常呢類場合都係連場爆冷居多，選馬不妨兼顧冷門馬。
第一場、第五班、一二○○米。「輕越直前」九歲老馬過去只贏過一場頭馬，當時評六十三分勝出三班賽，現時減至廿二分水平形勢大利，事實上，此駒上季至今唯一上名紀錄就在今仗路程上取得，而剛戰田草千四米放入殿軍，正反映馬匹狀態全面回勇，今仗重返泥地賽必決心贏馬交代。「天狼星」季初曾經在泥地千二放入一席殿軍，其後轉戰谷草及田草不同路程卻仍未交代，今仗重返泥地賽可見真章。
第二場、第四班、一八○○米。「好腳頭」唯一頭馬乃季初在此程取得，其後曾經縮程泥戰一哩及轉戰田草均未再現威力，今仗重返勝途，實力不容忽視。「長勝勇將」季初曾經在同程放入亞席，而剛戰換上梁家俊亦能夠在泥地一哩放入第二名，泥地性能出色馬跑法主動，如場地利放頭，好大機會可以打開勝門。
|
放大圖片
