專攻冷馬：真先生增程謀分頭

放大圖片

第五場、第二班、一六五○米。「真先生」季初於谷草千二米跟跑一場測準性能後，相隔一場便能贏馬開齋，看蹄下敗將「慷慨寶」、「帝聖好好」、「愛寶」及「勁優秀」都屬季內識贏之賽駒，反映「真先生」呢場頭馬水準夠硬淨。剛戰初上二班兼轉場地，�鬗d四米只輸四個餘身位俾頭馬「共創美好」唔算差，今次跑番窄場又恢復強勢，練者有贏馬路程千二米唔報而刻意增程跑一哩，擺明有食大茶飯之心。

第八場、第三班、一二○○米。「陀飛輪」今季頭三戰名次都屬雙位數，直到上場加戴眼罩立即變款，於同程九檔起步，早段迅速楔入內欄，入直路沿欄推進，終點前五駒並排衝刺跑得季軍，看跑第四「福嘉皇」翌仗於同一路程提升名次得亞軍，證明「陀飛輪」呢個第三絕對夠水準，復課後勇熟程度可謂三級跳，在此是有爆半冷條件。

第九場、第三班、一八○○米。「金領宙」大前仗出戰田草千八米跑得第二名已露晒光，當時�鬗Q四檔起步，早段本想快搶楔入，點知被頂在外疊，惟有收慢拉落包尾位置跟跑，入直路沿欄殺上，最終不敵「直震撼」得亞軍，以後駒之後在打�m跑得亞軍，反映「金領宙」此席亞軍並不失禮。近兩戰轉到此程只能跑得四及五名，擺明屬過冷河性質，退熱成功後，慎防在今場露虎相。