 放大圖片
蘇保羅馬房上季贏得二十三場頭馬，今個馬季跑了五十四期，阿蘇唔經唔覺已贏三十四場，可見季內搏殺手風順，再睇吓目前馬房處爆倉階段，有馬想入倉而家都要排住隊等，可見人有三衰六旺，當好運降臨，確實暢通無阻，今次夜賽依然要吼實呢個馬房。「勇戰」幕後乃昔日「呼風喚雨」的班底，與蘇保羅早有交收，搏殺上來自然充滿默契，自從馬匹轉來谷中上陣後，已一連打疊三場追得好，更全部跑入三甲一席永不落空，四歲馬目前升浪未止，再睇睇蘇保羅今季訓練「連利之星」，跑開谷草表現佳，就一條心專注谷中此條戰線，不作轉程或易地安排，呢匹「勇戰」部署上亦有異曲同工之妙，獨沽一味作谷草短途安排，早前與「勇戰」互有勝負的「勝任如意」，近期升上三班出戰田草都有好表現交出，可見「勇戰」目前在四班足有也文也武本錢，結合馬房手風大順，當有優先留意必要。
|
放大圖片
