 放大圖片
出征海外各路大軍經已全部歸航，最開心當然係蘇保羅，自一九八九年蘇保羅同佢父親憑隻「好利時」贏過日本盃之後，至今廿六年，佢再有機會憑「友瑩格」喺日本揚威，今季呢個馬房有咁超卓成績，副練伍鵬志當然係功不可沒。蘇保羅今次勝利回歸，副練向馬房手足講，只要日本嗰方面核對好晒獎金數目，匯入香港馬會戶口之後，馬房手足應該可以到月中就有獎金發放，粗略計過數，馬房手足應該有三千蚊左右，當然打理「友瑩格」呢位馬伕仲有額外打賞，蘇保羅私人就醒咗吨迨d蚊，另外副練亦有兩千，夾埋有七千蚊打賞，再連埋馬會月中發放嗰三千蚊大數獎金，剛好一萬蚊。不過呢位馬伕決定攞晒呢一萬蚊請馬房手足食飯，事關佢私人喺日本嗰邊都有投注自己所打理隻愛駒，所以呢份獎金決定攞晒出嚟分甘同味。講到食當然仲有下文，「友瑩格」馬主亦安排喺兩個禮拜之後翹y功宴，蘇廄嚟緊都可以話好有食神。
開心事講完，今次夜賽又再跑番九場，咪睇蘇廄出馬少少，只派兩駒上陣，但呢兩隻馬都係近期勇極一時，一隻屬第一場出戰谷草千八米嘅「奇妙恩典」，另外一隻係第二場四班一千米嘅「勇戰」。近期副練伍鵬志經常抽查呢兩隻馬嘅料兜，睇吓�哋食料情況，下午更經常押住佢哋往泳池游水，更成日見按摩師替呢兩隻馬按摩，賽前動態就非常積極，希望呢兩隻馬都能夠勝出，締造出兩駒贏晒紀錄。「奇妙恩典」近兩場能夠打疊贏五班谷草一哩，證明佢處五班屬超級貨色，當然呢次加程跑谷草千八米，初跑咁長路程唔知有冇咁嘅氣量應付，但只知道呢隻馬今仗屬季內最弗一次，加上以呢匹馬嘅跑法偏向均速型，估計千八米一樣啱發揮，所以有機會俾佢三Ｗ都唔奇，所以頭場點都要繼續留意呢隻當弗馬。
勇戰狀態弗到爆燈
而蘇廄另外嗰隻「勇戰」，出戰四班跑一千米，近期馬房同呢隻馬集中攻呢個路程，結果三戰取得冠亞季各一，跑得最差都係上場，只得第三名，但呢個第三名只係輸頸位，仲係排咗個十一檔跑，所以落敗係非戰之罪，今次馬房依然對呢隻馬好有信心，儘管今次負一三二磅跑，比起上場又重兩磅，但幕後卻認為多負兩磅並非大問題，重大問題係排一個十二檔，不過既然上場喺Ｃ欄都可以克服十一檔形勢入位，今次喺偏差較細嘅Ａ欄應該都難唔倒呢隻馬。
行政指令俊仔重視
講完兩隻蘇保羅弗馬之後，亦有派馬出外參賽嘅賀賢，憑「喜寶駒」於杜拜阿喬斯短途錦標得第五名，算有個交代，今次夜賽練者收拾心情，好有心機咁睇番實呢次夜賽上陣戰駒，喺周一排位日，倉主吩咐梁家俊下午入倉睇隻「行政指令」，原來呢個時候，倉主安排咗「真先生」由劉家泰踱，而「行政指令」就等梁家俊入倉策踱，兩隻馬拍踱完畢後，梁家俊對倉主表示好滿意馬匹近況，另外梁家俊又問打理「行政指令」嘅馬伕有關馬匹嘅食料情況，騎者咁緊張呢匹馬，皆因此駒夾梁家俊兩戰得一冠一亞軍，係非常合拍，今戰又可言惡。
|
放大圖片
