 放大圖片
■任達華(右)與吳鎮宇(左)在慶功宴上搭晒膊頭，關係友好。
香港文匯報訊（記者 梁靜儀）任達華（華哥）、吳鎮宇、譚耀文、姜皓文（黑仔）主演的電影《衝鋒車》，在港上映12日，票房收約900萬，電影公司昨晚於灣仔舉行慶功宴，老闆楊受成亦有出席。因工作在身未有出席的古巨基就被華哥笑窒：「唱歌大晒咩？」鎮宇就指基仔很毒，因基仔明知他們要減肥，卻請食乳豬糯米飯。
華哥早前疑因去了外地旅行未能出席影片首映，被鎮宇笑指「遊埠大晒咩」，其後二人又隔空互窒，昨晚二人同場，一時搭膊頭，一時又合卺交杯，以行動證明沒有不和。他們更一起笑窒沒有出席的古巨基，直言：「邊個唔嚟就講邊個。」華哥即笑窒基仔：「唱歌大晒咩？大家都咁忙，我都係昨日由內地返來，回鄉證可證明。」其後鎮宇又繼續笑指基仔很毒：「拍攝時，基仔請食乳豬糯米飯，佢好毒，因為明知我哋要減肥。」
至於影片口碑不俗，問到是否會開拍第二集？華哥即笑稱若果開拍會以德報怨，為基仔爭取有份演出。
譚耀文教黑仔生仔秘技
姜皓文（黑仔）近日成功減掉30磅，由最肥的180多磅減至現時的150磅，瘦到連太太都投訴：「太太投訴我瘦到連屁股都沒有。」黑仔表示減肥期間戒吃油鹽糖，又不停做運動，更試過見暈，所以要袋定糖傍身。
同樣消瘦不少的譚耀文，表示一向有水腫，但近日都由160多磅瘦至148磅左右。之後阿譚聽到黑仔說想生小朋友，即教他吃朱古力，黑仔又謂想生女，喜歡女兒夠嗲。
|
放大圖片
