 放大圖片
■JM（左）為拍吳奇隆新劇近半年沒返過香港，JM媽媽（右）特地赴橫店探愛女。
香港文匯報訊 Janice Man (文詠珊)去年加盟太陽娛樂文化後，工作量激增，更被吳奇隆睇中，找她演出投資近1.5億人民幣的大型武俠劇《蜀山戰紀之劍俠傳奇》，與在內地人氣強勁的陳偉霆做熒幕情侶。
該劇前晚在橫店舉行記招，全劇演員包括JM、吳奇隆、陳偉霆、趙麗穎、賈曉晨等均有出席，現場有近千名粉絲撐場，場面墟冚。JM及一眾演員以Catwalk形式出場，現場亦首次播出近4分鐘的片花。在片段中所有演員幾乎由頭打到尾，首次拍古裝武俠劇的JM為求效果，危險動作也親身上陣，搞到全身傷痕纍纍。
JM透露連拍兩劇密賺人仔，去年開始投資入市，她說：「原本舊年想買樓，但真係忙到無時間睇樓，朋友建議我啲錢唔好放喺度，免得貶值，就叫我試下投資股票。舊年開始朋友叫我買最穩陣嘅港交所，因為我成日唔係香港無時間日日睇住個市，呢類股最啱。當時係$125入市，呢兩日見到升到$300就即刻遙距沽貨，都賺咗差唔多7位數！」
|
放大圖片
