 放大圖片
（第一場）「巴基小子」剛戰若不是排十二檔欠缺好際遇，分分鐘有得贏，以直路之兇狠追勢，在四班要贏馬是遲早問題，今次續由韋達執韁兼排好檔，開始有留神必要。
（第二場）「好球」此程十戰獲兩冠三亞一季，亦是今場唯一在同程贏過馬之賽駒，現時評分跌至在港最低位，應該有反彈本錢，孫達志全晚獨出此駒，戰意無限，值得睇高一線。
（第三場）「其樂無窮」季內在同程已兩捷，蹄下敗將分別是「競駿才子」和「連利之星」，後兩駒其後均能補中，水準具說服力，重落四班夠惡，李廄上岸馬應在此。
（第四場）「神州魅力」剛戰全程望空跑，咁蝕章跑法最終亦能入Q，呢席亞軍水準絕對唔簡單，今次檔位內移，發揮得宜，有條件本利歸還。
（第五場）「威威寶貝」上場跑田草都能上名，輸俾「活力寶」同「點解」呢類超級馬自無話可說，五歲馬減夠分又適逢狀態回勇，返強項可補中。
（第六場）「特務飛龍」近兩場雖然落敗，但輸俾頭馬只是個多馬位，反映隻馬漸消化早前評分加幅，回氣後應可再嘗試高位，機會未宜小覷。
（第七場）「愛寶」上賽跑第四竟然被加分，可見備受評磅員睇好，上周四報完名翌日立即拉去試閘，已露出搏殺手影，發揮正常，屬爭勝分子。
（第八場）「首飾多寶」剛戰跑泥地都幾乎贏得，證明現時狀態弗到爆，睇番同程往績，五戰共累積一勝三位，準到不得了，值得追贏。
|
放大圖片
