 放大圖片
第二場、第五班、二二○○米。「好球」呢個路程跑咗十場，錄得兩冠三亞一季成績，有六成上名率，在低班來講已算演出相當準繩，而且前季在四班仍能交出兩勝，當中有一勝便是在此程擊敗「喜欣賞」；上季就算無頭馬交出，但在四班亦跑得兩場亞軍，都是影相之下分別不敵「喜欣賞」同埋「幸運新寶」。由此可見，呢隻老馬退化速度唔算太快，相反評分已跌至歷史低位，賈其餘勇絕對有能力走出谷底。
第六場、第四班、一二○○米。「勁駿皇駒」來港後跑咗十六場仲未贏，不過喺呢個路程入過兩次位置，先是上季尾四月份在賴維銘胯下與此程專家「龍華太旨」鬥到難分難解，最終影相之下僅敗獲亞軍；另一仗是前仗配蘇狄雄，直路尾段跟「金筷子」和「綠茵風采」拍住衝刺，結果再次影輸而跑得季軍。由此可見，呢個路程係本身最佳出路，只要能夠夾啱形勢，絕對可以出人頭地。
第八場、第三班、一六五○米。「四季」過往以呢個路程演出最好，前季曾在二班贏同程，以頸位氣走「開心至愛」；近季雖有退化跡象，但偶爾亦有水準之作，好似上季於田草1600米就有以短頭之微輸俾「威爾頓」，而壓倒「隨心隨意」跑得亞軍；今季亦於同程僅敗得季軍。證明老馬跑出水準依然具殺傷力，在三班可施突襲。
|
放大圖片
