|
踏入2015年蔡約翰馬房不經不覺已贏了二十四場頭馬，而進入季尾階段其攻勢已漸見凌厲，蔡廄一向撒手鐧是質新馬連珠炮發，今季見馬房有高質如「詠彩繽紛」、「活力寶」及「鄉村輝煌」相繼贏馬，但亦有「善自為謀」、「企業先鋒」等進度頗差嘅新血。此廄質新馬慣常被安排在短途起步，但「鈦金剛」這匹愛爾蘭自購新馬，初出已立即報跑四班千四米，可見幕後早已認定中長途才適合性能，早前贏開兩場千八米，上次縮程千六米僅不敵「英明神勇」和「贏到爆」得第三，陣上見馬匹目前流於均速，千六米嫌短已唔合現時腳法，今次報番千八米肯定好跑得多，如日方中之馬如無意外可收復前失。
|
