資料速遞：育成群駒旗開得勝

葉楚航早前贏完澳港盃手風明顯轉順，上周日又贏隻「天才」，今次麾下「育成群駒」慢熱馬踏入季尾階段演出穩定中續有進步，表面看牠季內十戰尚未贏馬，實力似乎行人止步，但此駒的近仗落敗關鍵在於陣上際遇太差所致，尤其上仗千四米直路上來遲半步追唔到「吉祥」屈居第二，此駒比上季贏馬時已少五分，較最近一場上名亦低了兩分，五歲馬正值大熟壯年，兼且健康正常食得操得，身處四班欲勝回一仗，絕對不是奢求，今次同場對手實力相對之下更弱，續交由潘頓壓陣可謂人強馬勁，只要跑出應有的水準，料有力重開勝利大門。